بھارت کے جدید ترین دفاعی نظام ایس 400 سسٹم کو تباہ کرنے کے لیے اڑان بھرنے والے جے ایف 17 تھنڈر کی خصوصی ویڈیو سامنے آگئی۔
بھارتی جارحیت کے جواب میں پاکستان نے بھرپور جوابی کارروائی کرتے ہوئے بھارت کا غرور خاک میں ملاتے ہوئے اربوں ڈالر کا فضائی دفاعی نظام ایس 400 تباہ کر دیا۔پاک فضائیہ نے جے ایف 17 تھنڈر سے ہائپر سونک میزائل لے جا کر بھارت کے جدید ترین S -400 سسٹم کو تباہ کیا جس کی ویڈیو بھی سامنے آگئی ہے۔پاکستان نے بھارت کا یہ جدید سسٹم تباہ کرکےنام نہاد بھارتی دفاعی نظام اور کھوکھلے دعوؤں کو زمین بوس کر دیا۔
پاکستانی فورسز نے بھارت کی ادھم پور، آدم پور، راجوڑی، سرسہ اور پٹھان کوٹ کی ائیر فیلڈز کو نشانہ بنایا، پاکستانی فورسز کی جانب سے بھارت کی ملٹری تنصیبات کو نشانہ بنایا جس کی بھارتی وزارت دفاع اور وزارت خارجہ کی جانب سے بھی تصدیق کی گئی کہ پاکستان کی جانب سے تیز ترین میزائلوں سے بھارتی فوجی تنصیبات کو نشانہ بنایا گیا۔
