مدینہ: بھارت سے سعودی عرب جانے والے عمرہ زائرین کی بس ایک آئل ٹینکر سے ٹکرا گئی، جس کے نتیجے میں کم از کم 42 افراد جاں بحق ہوگئے۔
عرب میڈیا کے مطابق پیر کی صبح عمرہ کے لیے مکہ سے مدینہ جا رہی بس ایک آئل ٹینکر سے ٹکرائی، جس کے بعد دونوں گاڑیوں میں آگ لگ گئی۔ بس میں 42 سے 45 افراد سوار تھے، جن کا تعلق بھارتی ریاست تلنگانہ کے شہر حیدرآباد سے تھا، اور ان میں خواتین اور بچے بھی شامل تھے۔
رپورٹس کے مطابق تصادم کے بعد بھڑکنے والی آگ سے ہلاکتوں کا خطرہ تھا، جبکہ سعودی حکام امدادی کارروائیاں کر رہے ہیں۔
دوسری جانب بھارتی سیاستدان اسد الدین اویسی نے میڈیا سے گفتگو میں بتایا کہ ان کی اطلاعات کے مطابق حادثے میں 41 افراد جاں بحق ہوئے، تاہم سعودی حکام کی جانب سے ہلاکتوں کی درست تعداد کے حوالے سے ابھی کوئی باضابطہ بیان سامنے نہیں آیا ہے۔
