کوئٹہ:کوئٹہ سے دیگر صوبوں کیلئے ٹرین سروس 13 ویں روز بھی معطل ہے۔
ریلوے حکام کے مطابق کوئٹہ سے پشاور کیلئے جعفر ایکسپریس اور کراچی کیلئے بولان میل تاحال بحال نہیں ہو سکیں۔ٹرین سروس کی معطلی کے باعث عید کیلئے پنجاب سمیت دیگر صوبوں کو جانے والے مسافروں کو مشکلات کا سامنا ہے، مسافروں کا کہنا ہے کہ کوچ سفر کرنا ٹرین کی نسبت مہنگا ذریعہ ہے، حکومت ٹرین سروس کی جلد بحالی کیلئے اقدامات کرے۔حکام کے مطابق اندرونِ ملک کیلئے ٹرین سروس سکیورٹی کلیئرنس کے بعد بحال کی جائے گی۔
یاد رہے کہ 11 مارچ کو صوبے کے ضلع کچھی میں جعفر ایکسپریس پر حملے کے بعد سے ٹرین سروس معطل ہے۔
