کراچی:کراچی کی انسداد دہشت گردی عدالت نے سانحہ 12 مئی کے کیس میں آئندہ سماعت پر گواہوں کو پیش کرنے کا حکم دے دیا۔
کراچی کی انسداد دہشت گردی عدالت میں سانحہ 12 مئی کیس کی سماعت ہوئی، سماعت کے دوران ایم کیو ایم کے رہنما وسیم اختر، عمیر صدیقی اور دیگر ملزمان پیش ہوئے۔پراسیکیوشن نے عدالت کو بتایا کہ ملزمان کے خلاف تھانہ ایئرپورٹ میں 2007 میں مقدمہ درج کیا گیا تھا۔عدالت نے ملزم ذاکر کی ایک روز کی حاضری سے استثنیٰ کی درخواست منظور کر لی اور عدالت نے گواہوں کو آئندہ سماعت پر پیش کرنے کا حکم دیتے ہوئے کیس کی سماعت 17 مئی تک ملتوی کر دی۔
