بنگلہ دیش: انٹرنیشنل کرائمز ٹربیونل نے سابق وزیراعظم شیخ حسینہ واجد کو انسانیت کے خلاف جرائم کا مجرم قرار دے دیا۔
جسٹس محمد غلام مرتضیٰ کی سربراہی میں تین رکنی ٹربیونل نے سابق وزیراعظم کے خلاف دائر مقدمات کا فیصلہ سناتے ہوئے انہیں انسانیت کے خلاف جرائم کا مرتکب قرار دیا۔
شیخ حسینہ واجد پر 2024 میں طلبہ تحریک کے خلاف کریک ڈاؤن کے احکامات دینے اور اس دوران وسیع پیمانے پر ہلاکتوں کا الزام تھا۔ اقوام متحدہ کے اعداد و شمار کے مطابق 2024 کے مظاہروں کے دوران 1400 افراد ہلاک ہوئے تھے۔
عدالتی فیصلے کے موقع پر ملک میں سخت سکیورٹی کے انتظامات کیے گئے تھے۔
