لیہ ( نیوز رپورٹر ) ڈپٹی کمشنر آصف علی ڈوگر نے کہا ہے کہ ضلع بھر کی گرین بیلٹس کی تزئین و آرائش اور بحالی کو یقینی بنایا جائے۔ گرین بیلٹس میں سبزہ، پودے اور آبیاری کو پلان کے مطابق مکمل کیا جائے۔ اہلیان لیہ کو خوشگوار اور پر فضاء ماحول کی فراہمی ہم سب کی مشترکہ ذمہ داری ہے۔ انہوں نے یہ بات گرین بیلٹس کے سلسلہ میں جائزہ اجلاس کی صدارت کرتے ہوئے کہی۔ اس موقع پر ایڈیشنل ڈپٹی کمشنر جنرل شبیر احمد ڈوگر، اسسٹنٹ کمشنر کوارڈ کلیم اللہ خان، ڈپٹی فاریسٹ کنزرویٹو ڈاکٹر فضل الرحمان، ڈپٹی ڈائریکٹر ڈویلپمنٹ اسحاق کھیرانی، اسسٹنٹ ڈائریکٹر پلاننگ علی عباس، سی او ایم سی شبانہ رشید موجود تھے۔ ڈپٹی کمشنر نے کہا کہ گرین بیلٹس میں معیاری گھاس اور پودے لگائے جائیں۔ ڈپٹی کمشنر نے ہدایت کی کہ کشمیر چوک سے لالہ زار تک گرین بیلٹس کی تزئین و آرائش، بحالی، پودوں کی دیکھ بھال اور آبیاری میونسپل کمیٹی لیہ، ضلع کونسل اور کنٹریکٹر مشترکہ طور پر انجام دیں گے۔ انہوں نے کہا کہ پودوں اور گھاس کی آبیاری کے لئے مستقل انتظام کیا جائے اور پودوں کی خوبصورت تراش خراش کی جائے۔ ڈپٹی کمشنر نے کہا کہ شہر کی خوبصورتی کے لئے تمام متعلقہ محکمے اپنی ذمہ داری احسن طریقے سے انجام دیں۔
ناصر حیات نیوز رپورٹر 03337012061
