امریکہ کی طرف سے پاکستانی مصنوعات پر 29 فیصد ٹیرف عائد کرنے کے معاملہ پر حکومت نے پیر کو اسٹیک ہولڈرز کا اسلام آباد میں اہم اجلاس طلب کر لیا ہے ۔
تفصیلات کے مطابق وفاقی وزیر تجارت اسٹیک ہولڈرز کے ساتھ اجلاس کی صدارت کریں گے ، اجلاس میں پاکستانی مصنوعات پر 29 فیصد ٹیرف کے ممکنہ اثرات کا تجزیہ کیا جائے گا۔اجلاس میں امریکہ کی جانب سے پاکستانی مصنوعات پر عائد کردہ ٹیرف پر غور کیا جائے گا۔یاد رہے کہ وزیراعظم شہباز شریف وزیر خزانہ کی سربراہی میں اسٹیئرنگ کمیٹی تشکیل دے چکے ہیں، اسٹیئرنگ کمیٹی اس حوالے سے قائم کردہ ورکنگ گروپ کی سفارشات و تجاویز کا جائزہ لے گی، اسٹیئرنگ کمیٹی صورت حال کی نگرانی کرکے وزیراعظم کو رپورٹ پیش کرے گی۔
