کراچی: فلم پروڈیوسر رائٹر اور ڈائریکٹر جمشید محمود عرف جامی نے سزا کے خلاف سندھ ہائیکورٹ سے رجوع کرلیا۔
تفصیلات کے مطابق فلم ساز جامی نے ہتک عزت کیس میں سزا کے خلاف سندھ ہائیکورٹ میں اپیل دائر کی جس میں موقف اپنایا گیا ہےکہ جس جرم میں سزا سنائی گئی وہ قابلِ ضمانت ہے۔درخواست میں مزید کہا گیا ہےکہ سزا میں قانونی تقاضے پورے نہیں کیے، الزامات غلط اور بے بنیاد ہیں لہٰذا ماتحت عدالت کی جانب سے سنائی گئی سزا کالعدم قرار دینے کی بھی استدعا کی جاتی ہے۔
واضح رہے کہ جمشید عرف جامی کے خلاف فلم، میوزک ڈائریکٹر سہیل جاوید نے ڈائریکٹ کمپلین دائر کی تھی جس پر ایڈیشنل ڈسٹرکٹ اینڈ سیشن جج جنوبی نے گزشتہ روز جمشید محمود کو 2 سال قید اور 10 ہزار روپے جرمانے کی سزا سنائی تھی۔عدالت نے اپنے تحریری فیصلے میں لکھا تھا کہ ملزم نے شکایت کنندہ کے خلاف سماجی رابطوں کی ویب سائٹ پر غیر محتاط رویہ اپنایا ، ملزم توہین آمیز مواد کی تردید اور خود کو علیحدہ رکھنے میں بھی ناکام رہا
