اسلام آباد: سینٹرل پاور پرچیزنگ ایجنسی (سی پی پی اے) نے 19 پیسے فی یونٹ بجلی مہنگی کرنے کی درخواست نیشنل الیکٹرک پاور ریگولیٹری اتھارٹی (نیپرا) میں جمع کروا دی۔
نیپرا کے مطابق یہ درخواست اگست کی فیول پرائس ایڈجسٹمنٹ (ایف پی اے) کی مد میں کی گئی ہے، جس پر 29 ستمبر کو سماعت ہوگی۔ نیپرا نے بتایا کہ اگست میں فی یونٹ بجلی کی فیول لاگت کا تخمینہ 7 روپے 31 پیسے لگایا گیا تھا۔
ذرائع کے مطابق اگر یہ درخواست منظور ہوگئی تو ملک بھر کے صارفین پر تقریباً 3 ارب روپے کا اضافی بوجھ پڑ سکتا ہے۔
