شمالی وزیرستان کے علاقے میر علی میں سکیورٹی فورسز نے ایک خودکش حملے کو ناکام بناتے ہوئے 4 خوارج کو ہلاک کر دیا۔ سکیورٹی ذرائع کے مطابق، خوارج نے سکیورٹی فورسز پر خودکش حملہ کرنے کی کوشش کی جسے فورسز نے بروقت اور مؤثر کارروائی کے ذریعے ناکام بنایا۔
ذرائع کے مطابق، ایک خارجی نے بارود سے بھری گاڑی سکیورٹی فورسز کے کیمپ کی دیوار سے ٹکرائی، جس کے نتیجے میں دھماکہ ہوا، لیکن اس کے باوجود سکیورٹی فورسز کو کوئی نقصان نہیں پہنچا۔ اس کے بعد 3 دیگر خوارج نے کیمپ کے اندر داخل ہونے کی کوشش کی، لیکن بہادرانہ کارروائی کے دوران انہیں کیمپ کے باہر ہی ہلاک کر دیا گیا۔
سکیورٹی ذرائع نے مزید بتایا کہ پچھلے دو دنوں کے دوران افغان طالبان کے حمایت یافتہ 88 خوارج مارے جا چکے ہیں، اور افواج و قانون نافذ کرنے والے ادارے ملک کے دفاع کے لیے مکمل چوکس ہیں۔ ذرائع کا کہنا ہے کہ آخری خوارج کے خاتمے تک سکیورٹی فورسز ملک کے امن و سلامتی کے لیے مسلسل ڈٹے رہیں گے۔
یہ کارروائی شمالی وزیرستان میں سکیورٹی فورسز کی مستقل اور موثر محاذ آرائی کی ایک اور مثال ہے، جس سے علاقے میں دہشتگردوں کی کاروائیوں کو شکست دینے اور شہریوں کی حفاظت کو یقینی بنانے کا عزم ظاہر ہوتا ہے۔
