مشہور امریکی ڈرامہ سیریز دی وائر میں اپنے کردار کی وجہ سے شہرت پانے والے امریکی اداکار جیمز رینسن 46 برس کی عمر میں انتقال کر گئے۔
لاس اینجلس کے میڈیکل حکام کے مطابق جیمز رینسن نے جمعہ کے روز خودکشی کر لی۔ اداکار کی اہلیہ نے سوشل میڈیا پر شوہر کو خراج عقیدت پیش کرتے ہوئے لکھا کہ "میں تم سے ہزار بار محبت کر چکی ہوں اور جانتی ہوں کہ دوبارہ بھی کروں گی”۔
واضح رہے کہ جیمز رینسن نے دی وائر کے دوسرے سیزن میں Ziggy کا کردار ادا کیا تھا، جو ایک اناڑی اور انتشار پسند چھوٹے درجے کا مجرم تھا۔ یہ سیریز دنیا کی بہترین ٹی وی سیریز میں شمار کی جاتی ہے اور اپنے حقیقت پسندانہ کرداروں اور کہانی کے لیے بے حد سراہا گیا۔
دی وائر کے ساتھی اداکار وینڈل پیئرس نے جیمز رینسن کی موت پر سوشل میڈیا پر تعزیت کرتے ہوئے کہا، "میرے بھائی، مجھے افسوس ہے کہ میں تمہارے لیے وہاں موجود نہ ہو سکا”۔
