پختونخوا حکومت کی ایک سالہ کارکردگی تمام صوبوں سے بہتر ہے,بیرسٹر سیف

پشاور: شیر اطلاعات خیبرپختونخوا بیرسٹر ڈاکٹر سیف نے دعویٰ کیا ہے کہ خیبرپختونخوا میں ایک سال کی کارکردگی دیگر صوبائی حکومتوں پر سبقت لے گئی ہے۔

اپنے بیان میں بیرسٹر سیف کا کہنا تھا کہ خیبرپختونخوا کی کارکردگی مریم نواز کی طرح محض تصویری نمائش تک محدود نہیں، خیبرپختونخوا حکومت نے مریم نواز کی 150 تصاویر کے مقابلے میں 625 ترقیاتی منصوبوں کی کارکردگی رپورٹ جاری کر دی ہے۔انہوں نے کہا کہ مریم نواز صرف اخبارات میں اپنی تصاویر شائع کرانے کو کارکردگی سمجھتی ہیں، خیبر پختونخوا حکومت نے اپنی ایک سالہ کارکردگی کو کتابی شکل میں شائع کیا، جس میں ایک سال کے دوران 25 مختلف شعبوں کے 25، 25 نمایاں منصوبوں کا ذکر کیا گیا ہے۔ان کا کہنا تھا کہ ایک سال میں علی امین گنڈا پور کی قیادت میں خیبرپختونخوا حکومت نے عوامی فلاح و بہبود کے 625 منصوبے شروع کئے، مریم نواز اپنی ذاتی تشہیر سے نکل کر علی امین کی طرح عوامی فلاح کا سوچیں۔بیرسٹر سیف نے کہا کہ فارم 45 اور فارم 47 کے وزیراعلیٰ میں یہی فرق ہوتا ہے، علی امین حقیقی معنوں میں عوام کی خدمت کر رہے ہیں۔