پاکستان کرکٹ ٹیم کے فاسٹ بولر حارث رؤف نے اپنے بیٹے کے ساتھ پہلی تصویر سوشل میڈیا پر شیئر کر دی۔
10 مارچ کو فاسٹ بولر شاہین آفریدی نے ٹوئٹ کرتے ہوئے حارث رؤف کے ہاں بیٹے کی ولادت کی خبر دی اور ساتھ ہی نیک تمناؤں کا اظہار کیا۔اس کے علاوہ شاداب خان نے بھی انسٹاگرام اسٹوری میں حارث کو مبارکباد دی لیکن حارث کی جانب سے اس حوالے سے کوئی ردعمل سامنے نہیں آیا تھا۔
تاہم منگل کو حارث رؤف نے انسٹاگرام پر اپنے بیٹے کے ساتھ پہلی تصویر شیئر کی اور ساتھ ہی بچے کا نام بھی بتا دیا۔تصویر میں دیکھا جاسکتا ہے کہ حارث اور اہلیہ مزنا بیٹے کو ہاتھ میں تھامے ہوئے ہیں۔قومی فاسٹ بولر نے اپنی پوسٹ میں بیٹے کی پیدائش کا اعلان کرتے ہوئے بتایا کہ ہم نے بیٹے کا نام محمد مصطفیٰ حارث رکھا ہے۔
