کراچی:عالمی اور مقامی مارکیٹوں میں سونے کی قیمتیں تاریخ کی نئی بلند ترین سطح پر پہنچ گئیں۔
بین الاقوامی مارکیٹ میں فی اونس سونے کی قیمت 22 ڈالر اضافے کیساتھ 3074 ڈالر ہوگئی جبکہ پاکستان میں فی تولہ سونے کی قیمت میں 2 ہزار 380 روپے اور دس گرام سونے کی قیمت میں 2 ہزار 41 روپے کا اضافہ ریکارڈ کیا گیا۔قیمتوں میں اضافے کے باعث مقامی صرافہ بازاروں میں فی تولہ سونے کی قیمت 3 لاکھ 23 ہزار 380 روپے اور دس گرام سونے کی قیمت 2 لاکھ 77 ہزار 246 روپے ہوگئی۔
