لاہور:سابق چیئرمین اپٹما ایس ایم تنویر نے کہا ہے کہ وزیر اعظم شہباز شریف سے بزنس کمیونٹی کو اچھی توقعات ہیں، بجلی کی قیمت میں نمایاں کمی سے ملک میں صنعتی سرگرمیوں کو فروغ ملے گا۔
معروف کاروباری شخصیت ایس ایم تنویر نے اپنے ایک بیان میں کہا ہے کہ ایف پی سی سی آئی کی قیادت مبارکباد کی مستحق ہے: حکومت ملک میں صنعت اور کاروبار کو بحال کرنے میں سنجیدہ ہے۔سرپرست اعلیٰ یو بی جی نے کہا ہے کہ ڈاکٹر گوہر اعجاز نے یو بی جی اور ایف پی سی آئی سے مل کر آئی پی پیز کا مسئلہ اٹھایا، ملک میں روزگار کے مواقع پیدا کرنے کی اشد ضرورت ہے۔ایس ایم تنویر نے کہا ہے کہ وزیر خزانہ نے بھی یو بی جی وفد کو بجلی کے نرخ کم ہونے کی نوید دی تھی، ہم نے گزشتہ دس مہینے تواتر سے بجلی کی قیمتوں میں کمی کی وکالت کی۔انہوں نے اپنے بیان میں مزید کہا ہے کہ یو بی جی بزنس یونٹی کی خدمت کا مشن جاری رکھے گی، ہم بینکوں کی شرح سود کو بھی سنگل ڈیجٹ کروائیں گے۔
