رواں مالی سال کے پہلے ہی روز پاکستان اسٹاک ایکسچینج نے نئی تاریخ رقم کردی۔ اسٹاک مارکیٹ نے تاریخ کی بلند ترین سطح کا ریکارڈ توڑ دیا ہے۔
اسٹاک مارکیٹ میں دوران ٹریڈنگ 19 سو سے زائد پوائنٹس کی تیزی دیکھی گئی،ہنڈریڈ انڈیکس 1911 پوائنٹس بڑھ کر127539پوائنٹس پرجا پہنچا،جس کے بعداسٹاک مارکیٹ تاریخ میں پہلی بار127000پوائنٹس کا سنگ میل عبور کر گئی،،جون میں مارکیٹ نے126718پوائنٹس کی بلندسطح کاریکارڈبنایاتھا۔
پاکستان اسٹاک مارکیٹ میں485پوائنٹس کی تیزی کےساتھ کاروبار کا مثبت آغاز ہوا،گزشتہ روز بھی اسٹاک مارکیٹ میں تیزی دیکھی گئی ہے،سرمایہ کاروں کو جولائی میں اسٹاک مارکیٹ کے تیز رہنے کی توقع ہے،تجزیہ کاروں کاکہنا ہےکہ معاشی وسیاسی استحکام سے مارکیٹ قوتوں کو اعتماد بحال ہواہے،وزارت خزانہ کو جون میں مہنگائی بڑھنےکی شرح 4 فیصد رہنے کی توقع ہے۔
پیٹرولیم مصنوعات کی قیمتوں میں اضافہ مارکیٹ کیلئے منفی خبر ہے،گیس مہنگی،فرنس آئل پرلیوی، آئی پی پیز نےبجلی مہنگی ہونے کا اشارہ دےدیا۔
