پاکستان سٹاک ایکسچینج میں زبردست تیزی، ڈالر کی قدر میں کمی

کراچی :پاکستان میں سرمایہ کاروں کے اعتماد میں بہتری کے بعد سٹاک مارکیٹ میں تیزی کا رجحان برقرار ہے، جب کہ ڈالر کی قیمت میں بھی کمی دیکھی جا رہی ہے۔

کاروباری ہفتے کے تیسرے روز سٹاک ایکسچینج میں زبردست تیزی دیکھنے میں آئی۔ دن کے آغاز پر ہی 100 انڈیکس میں 1209 پوائنٹس کا اضافہ ہوا، جس سے انڈیکس 1,29,408 پوائنٹس کی سطح پر پہنچ گیا۔ یاد رہے کہ گزشتہ روز انڈیکس کاروبار کے اختتام پر 1,28,200 پوائنٹس پر بند ہوا تھا۔دوسری طرف کرنسی مارکیٹ میں بھی مثبت پیش رفت دیکھی گئی۔ ایکسچینج کمپنیز ایسوسی ایشن کے مطابق، انٹر بینک میں امریکی ڈالر کی قیمت میں 10 پیسے کی کمی ریکارڈ کی گئی، جس کے بعد ڈالر 283 روپے 66 پیسے پر آ گیا۔