کراچی: مویشی بیوپاریوں سے تقریباً ایک کروڑ روپے لوٹنے میں ملوث 2 پولیس اہلکاروں سمیت 5 ملزمان کو گرفتار کر لیا گیا۔
ذرائع کے مطابق ملزمان نے 30 اپریل کو سپرہائی وے پرگاڑی میں سوار 20 بیوپاریوں کو لوٹا تھا، بیوپاری مویشیوں کی خریداری کے لیے میرپور خاص جا رہے تھے۔ذرائع نے بتایا کہ ملزمان نے مویشی بیوپاریوں سے تقریباً ایک کروڑ روپے لوٹے تھے جس پر کارروائی کرتے ہوئے پولیس نے واردات میں ملوث 2 پولیس اہلکاروں سمیت 5 ملزمان کو گرفتار کرلیا جب کہ ملزمان سے اسلحہ بھی برآمد کرلیا گیا ہے۔ذرائع کے مطابق واردات میں مزید 5 ملزمان ملوث تھےجو اب بھی مفرور ہیں۔
