شدید بارشیں/پنجاب بھر میں دفعہ 144 نافذ کردی گئی

شدید بارشوں اور سیلابی صورتحال کے پیش نظر پنجاب بھر میں دفعہ 144 نافذ کردی گئی۔

محکمہ داخلہ پنجاب نے دفعہ 144 سے متعلق نوٹیفکیشن جاری کردیا، نوٹیفکیشن کے مطابق ڈیموں، دریاؤں، نہروں، تالابوں اور جھیلوں میں ہر قسم کی تیرا کی پر پابندی عائد کردی گئی۔نوٹیفکیشن میں کہا گیا کہ گلیوں، سڑکوں، کھلی جگہوں یا عوامی مقامات پر بارش کے جمع شدہ پانی میں نہانے اور ڈیموں، دریاؤں، نہروں، تالابوں، جھیلوں اور ڈسٹری بیوٹریز میں بلا اجازت کشتی رانی پر بھی مکمل پابندی عائد کردی گئی ہے۔محکمہ داخلہ کا کہنا ہے کہ دفعہ 144 کے تحت تمام پابندیوں کا اطلاق 30 اگست تک ہوگا۔