راولپنڈی: سعودی عرب کی بحریہ کے سربراہ وائس ایڈمرل محمد بن عبدالرحمن الغریبی نے جوائنٹ اسٹاف ہیڈکوارٹرز راولپنڈی کا دورہ کیا، جہاں انہوں نے چیئرمین جوائنٹ چیفس آف اسٹاف کمیٹی جنرل ساحر شمشاد مرزا سے ملاقات کی۔
پاک فوج کے شعبہ تعلقات عامہ (آئی ایس پی آر) کے مطابق، ملاقات میں مشرق وسطیٰ اور جنوبی ایشیا کی سیکیورٹی صورتحال پر تفصیلی تبادلہ خیال کیا گیا۔ اس کے علاوہ، سمندری سکیورٹی سے متعلق امور بھی زیر غور آئے۔ملاقات کے دوران جنرل ساحر شمشاد مرزا نے پاکستان اور سعودی عرب کے تاریخی اور برادرانہ تعلقات کا ذکر کرتے ہوئے دفاعی شعبے میں تعاون کے فروغ کے عزم کا اعادہ کیا۔آئی ایس پی آر کے مطابق، سعودی بحریہ کے سربراہ کی آمد پر جوائنٹ اسٹاف ہیڈکوارٹرز میں انہیں چاک و چوبند دستے نے سلامی دی۔یہ دورہ دونوں ممالک کے درمیان دفاعی تعاون کو مزید مضبوط بنانے اور خطے میں امن و سلامتی کے لیے مشترکہ کوششوں کو فروغ دینے کی جانب اہم قدم قرار دیا جا رہا ہے۔
