اسلام آباد:ترجمان دفتر خارجہ نے اعلان کیا ہے کہ پاکستان لیبیا کے حوالے سے اپنی ریچ آؤٹ پالیسی پر مکمل عمل پیرا ہے۔
پاکستان برکس میں رکنیت حاصل کرنے کے لیے سنجیدہ ہے اور اس تنظیم کو اپنی خارجہ پالیسی میں کلیدی اہمیت دیتا ہے۔انہوں نے مزید کہا کہ ایس سی او خطے کی ایک اہم تنظیم ہے اور پاکستان اس کے چارٹر اور مقاصد کے ساتھ گہری وابستگی رکھتا ہے۔ پاکستان کو ایس سی او سربراہان اجلاس سے امیدیں ہیں۔
ترجمان نے بتایا کہ پاکستان کی زیر صدارت اقوام متحدہ کی سلامتی کونسل نے تنازعات کے پرامن حل کے لیے قرارداد متفقہ طور پر منظور کی ہے۔ نائب وزیراعظم آج سلامتی کونسل میں فلسطین کے مسئلے پر اعلیٰ سطح بریفنگ کریں گے جو اقوام متحدہ اور او آئی سی کے تعاون سے متعلق ہوگی۔
