کراچی ٹریفک پولیس کا جے یو آئی (ف) جلسے کے لیے ٹریفک پلان جاری
کراچی ٹریفک پولیس نے آج جے یو آئی (ف) کے جلسے کے حوالے سے ٹریفک پلان جاری کردیا ہے۔ ٹریفک پولیس کے مطابق جے یو آئی (ف) کا جلسہ ایم آر کیانی چوک اور آرٹس کونسل کے قریب ہوگا، جس کے باعث شاہین کمپلیکس سے فوارہ چوک تک سڑک بند رہے گی۔
پلان کے تحت ضیاءالدین سگنل سے آنے والی ٹریفک کو کلب چوک شاہراہ فیصل کی طرف بھیجا جائے گا جبکہ شاہین کمپلیکس سے پریس کلب جانے والی ٹریفک کو پی آئی ڈی سی اور شاہراہ فیصل پر موڑ دیا جائے گا۔ اسی طرح پی آئی ڈی سی سے آنے والی ٹریفک کو آواری کی طرف جبکہ ریکس سینٹر سے فوارہ چوک جانے والی ٹریفک کو آواری یا کلفٹن کی طرف بھیجا جائے گا۔
ٹریفک پولیس کا مزید کہنا ہے کہ چھتری چوک سے ایم آر کیانی جانے والی ٹریفک کو ایس ایم لاء کالج کی طرف موڑا جائے گا جبکہ اہلحدیث چوک سے ایم آر کیانی جانے والی ٹریفک کو شارع لیاقت کی طرف بھیجا جائے گا۔
