غزہ: غزہ میں اسرائیلی فوج کی بمباری کے ساتھ ساتھ زمینی آپریشن بھی مزید شدت اختیار کر گیا ہے۔
عرب میڈیا کے مطابق گزشتہ 24 گھنٹوں کے دوران اسرائیلی فضائی اور زمینی حملوں میں کم از کم 30 فلسطینی جاں بحق اور متعدد زخمی ہوئے ہیں۔رپورٹس میں بتایا گیا ہے کہ اسرائیلی فوج ٹینکوں کے ذریعے بارود سے بھری ناکارہ فوجی گاڑیوں کا استعمال کرتے ہوئے رہائشی عمارتوں کو بھی نشانہ بنا رہی ہے، جس سے عام شہریوں میں خوف و ہراس پھیل گیا ہے۔
ادھر حماس نے امریکی صدر ڈونلڈ ٹرمپ کی جانب سے پیش کی گئی جنگ بندی کی تجویز کو مسترد کرتے ہوئے الزام عائد کیا ہے کہ امریکا سمیت عالمی برادری اچھی طرح جانتی ہے کہ تمام جنگ بندی کی کوششیں اسرائیلی وزیراعظم نیتن یاہو کی ہٹ دھرمی کے باعث ناکام ہوئیں۔
