اسلام آباد: وفاقی وزیر خزانہ محمد اورنگزیب نے کہا ہے کہ امریکا پہلے مرحلے میں ریکوڈک منصوبے میں سرمایہ کاری کرے گا۔ ان کا کہنا تھا کہ امریکی سرمایہ کاروں کا پہلا وفد پاکستان پہنچ چکا ہے اور ابتدائی سرمایہ کاری ریکوڈک ہی میں ہوگی۔
وزیر خزانہ نے مزید کہا کہ مرکزی سرمایہ کاری کا مرکز ریکوڈک منصوبہ ہے، تاہم اس کے بعد اگلے مراحل میں مزید منصوبوں پر پیش رفت ہوگی۔ انہوں نے کہا کہ ٹیرف کے حوالے سے فیصلہ سامنے آچکا ہے اور اب سرمایہ کاری کے معاملات کو آگے بڑھانا ہے۔ ان کے مطابق امریکا کے ساتھ معاہدوں اور تجارتی تعاون کی تمام تفصیلات طے پا چکی ہیں اور دونوں ممالک کے درمیان یہ شراکت داری مستقبل میں پاکستان کی معیشت کے لیے اہم سنگ میل ثابت ہوگی۔
