کراچی: قومی کرکٹ ٹیم کے اسپن بولر ابرار احمد رشتۂ ازدواج میں منسلک ہوگئے۔
تفصیلات کے مطابق قومی کرکٹر ابرار احمد کی شادی کراچی میں آمنہ رحیم سے ہوئی۔ دلہا جب دلہن لینے پہنچے تو ان کا ڈھول کی تھاپ پر پرتپاک استقبال کیا گیا۔ شادی کی تقریب میں رشتہ داروں، دوستوں اور قریبی ساتھیوں نے بڑی تعداد میں شرکت کی اور دلہا دلہن کو مبارکباد دی۔
اسپنر ابرار احمد کے ولیمے کی تقریب 6 اکتوبر کو منعقد ہوگی جس کے بعد وہ لاہور روانہ ہوں گے اور پاکستان ٹیم کے ٹیسٹ اسکواڈ کو جوائن کریں گے۔
یاد رہے کہ 27 سالہ ابرار احمد نے پہلی مرتبہ 2017 میں پاکستان سپر لیگ (پی ایس ایل) میں کراچی کنگز کی نمائندگی کی، جبکہ انہوں نے اپنا ٹیسٹ ڈیبیو 2022 میں انگلینڈ کے خلاف کیا تھا۔ اپنی جادوئی اسپن بولنگ سے انہوں نے کم وقت میں ہی شہرت حاصل کی اور پاکستان ٹیم کے اہم اسپنرز میں شمار ہونے لگے۔
