آذربائیجان: سی آئی ایس گیمز 2025 میں پاکستان کے ریسلر عبدالرحمٰن نے شاندار کارکردگی کا مظاہرہ کرتے ہوئے ریسلنگ کے 65 کلوگرام کے مقابلوں میں برانز میڈل اپنے نام کر لیا۔
پاکستانی ریسلر عبدالرحمٰن نے برانز میڈل کی باؤٹ میں ترکمانستان کے عبدالمقیط نبی کو 5-10 کے اسکور سے شکست دی۔ فیصلہ کن باؤٹ کے پہلے راؤنڈ میں عبدالرحمٰن نے 3 پوائنٹس حاصل کیے، جبکہ دوسرے راؤنڈ میں انہوں نے مزید 7 ٹیکنیکل پوائنٹس سمیٹ کر مقابلہ اپنے نام کیا۔
ٹورنامنٹ میں عبدالرحمٰن نے کوارٹر فائنل میں بیلاروس کے ریسلر کو شکست دے کر سیمی فائنل تک رسائی حاصل کی تھی، تاہم سیمی فائنل میں انہیں کیرغیزستان کے ریسلر کے ہاتھوں شکست کا سامنا کرنا پڑا۔
واضح رہے کہ سی آئی ایس گیمز میں یہ میڈل پاکستان کے لیے ایک بڑی کامیابی ہے اور اس سے ملک میں ریسلنگ کے شوقین کھلاڑیوں کو مزید حوصلہ اور اعتماد ملے گا۔
