بلوچستان کے ضلع بارکھان اور گردونواح میں زلزلے کے شدید جھٹکے محسوس کیے گئے۔
زلزلے کے باعث علاقے میں خوف و ہراس پھیل گیا اور لوگ گھروں اور دکانوں سے نکل کر کھلے مقامات کی طرف دوڑ پڑے۔ ابتدائی اطلاعات کے مطابق کسی جانی یا مالی نقصان کی اطلاع نہیں ملی۔
زلزلہ پیما مرکز کے مطابق زلزلے کی شدت 5 ریکٹرز تھی اور گہرائی 15 کلومیٹر ریکارڈ کی گئی۔ زلزلے کا مرکز رکھنی سے 39 کلومیٹر شمال مشرق کی جانب تھا۔
