اسلام آباد: فیڈرل بورڈ آف ریونیو (ایف بی آر) میں 80 سینئر عہدیداروں کے یکا یک ملک گیر تقرر و تبادلوں سے ادارے میں بھونچال پیدا ہو گیا۔
کراچی، اسلام آباد، لاہور، راولپنڈی اور پشاور سمیت بڑے ٹیکس سینٹرز اور کسٹم فارمیشنز کے ڈائریکٹر جنرل اور کلیکٹر کمشنرز کے عہدے تبدیل کر دیے گئے ہیں۔
ہر نوٹیفکیشن کے تحت بی ایس 19، 20 اور 21 کے سینئر افسران کو فوری طور پر احکامات پر عمل درآمد کا حکم دیا گیا ہے۔
منگل گیارہ نومبر کو ایف بی آر میں اس بڑے تبادلے کے بعد افسران اور عملے میں ہلچل دیکھنے میں آئی۔ وفاقی بورڈ آف ریونیو نے تمام متعلقہ افسران سے کہا ہے کہ وہ چارج سنبھالنے کی رپورٹ فوری طور پر ایف بی آر ہیڈکوارٹر کو ارسال کریں تاکہ تقرر و تبادلوں کا عمل بروقت مکمل کیا جا سکے۔
