جاپان کے سنیما آئیکون ٹٹسویا ناکاڈائی 92 برس کی عمر میں وفات پا گئے، جبکہ ان کی موت کی وجہ نمونیا بتائی گئی ہے۔
ٹٹسویا ناکاڈائی اپنی متعدد فلموں خصوصاً "رن” اور "ہاراگیری” میں شاندار اور ناقابل فراموش اداکاری کے لیے مشہور تھے۔ ان کی موت جاپانی فلم کے سنہری دور کے خاتمے کی علامت کے طور پر دیکھی جا رہی ہے۔
ٹٹسویا ناکاڈائی 13 دسمبر 1932 کو ٹوکیو میں پیدا ہوئے۔ کمسنی میں ان کے والد جو بس ڈرائیور تھے، انتقال کر گئے، جس کے بعد ان کا خاندان مشکلات کا شکار ہوا اور وہ آؤیاما منتقل ہو گئے، جہاں انہوں نے ایک سادہ زندگی گزاری۔
ٹٹسویا ناکاڈائی نے جاپان کا مشہور ایکٹنگ اسکول قائم کیا اور تھیٹر کمپنی مومیجوکو کے ذریعے جاپانی سنیما اور تھیٹر میں نمایاں کردار ادا کیا، جس نے کئی نسلوں کو متاثر کیا۔
