ہم روبوٹ نہیں، ہم سے بھی غلطیاں ہوتی ہیں: حارث رؤف

راولپنڈی: پاکستانی فاسٹ باؤلر حارث رؤف نے کہا ہے کہ لوگ ہر میچ میں پرفارمنس کی توقع رکھتے ہیں، لیکن کھلاڑی بھی انسان ہیں اور ہم سے بھی غلطیاں ہوتی ہیں۔

پہلے ون ڈے میں سری لنکا کو دلچسپ مقابلے کے بعد حارث رؤف نے میڈیا سے گفتگو کرتے ہوئے کہا کہ سرد موسم میں بولنگ کرنا خاصا مشکل ہوتا ہے۔ انہوں نے شکوہ کیا کہ لوگ دس اچھے میچز کو بھول کر ایک برے میچ کو یاد رکھتے ہیں اور توقع کرتے ہیں کہ کھلاڑی ہر میچ میں شاندار پرفارم کریں، حالانکہ کھلاڑی روبوٹ نہیں ہیں۔

حارث رؤف نے مزید کہا کہ اگر ٹیسٹ کرکٹ کھیلنے کا موقع ملے تو وہ ضرور تیار ہیں۔ انہوں نے کہا کہ میچ جیتنے پر ٹیم جیتی ہے، کھلاڑی اگلی اسائنمنٹ کی طرف دیکھتا ہے۔ اسی پلان کے تحت انہوں نے چار روزہ کرکٹ کھیلی، ایک پلان آپ بناتے ہیں، ایک دوسرا بناتا ہے، اور ایک پلان اللہ کا ہوتا ہے جو سب سے زیادہ درست ہوتا ہے۔

فاسٹ باؤلر نے زور دیا کہ ہمارے یہاں اچھا نہ کرنے والے کو زیادہ یاد رکھا جاتا ہے، حالانکہ کھلاڑی دس میچ جیت چکے ہوں۔ ان کا کہنا تھا کہ فیلڈ میں معافی نہیں ہوتی، ہمیں پرفارم کرنا ہی ہوتا ہے، اور برا دن آتا ہے تو گزر جاتا ہے، اگلے دن کی صبح ضرور ہوتی ہے۔