ملک بھر میں چینی کی قیمتوں میں مسلسل اضافے کے بعد حکومت نے اہم فیصلہ کر لیا ہے۔
کوئٹہ میں فی کلو چینی کا ریٹ 230 روپے تک پہنچ گیا ہے، جبکہ کراچی، لاہور اور پشاور میں چینی کی قیمتیں 190 سے 200 روپے فی کلو کے درمیان ہیں۔
وفاقی حکومت نے شوگر سیکٹر کو مکمل ڈی ریگولیٹ کرنے کا فیصلہ کیا ہے، جس کے لیے خصوصی کمیٹی کی تیار کردہ سفارشات وزیراعظم کو پیش کی جائیں گی۔ وفاقی وزیر غذائی تحفظ رانا تنویر کے مطابق مارکیٹ فورس فیصلہ کرے گی کہ چینی درآمد کرنی ہے یا برآمد۔
پنجاب میں 41 میں سے 27 ملوں نے کرشنگ کا عمل شروع کر دیا ہے، جبکہ وہ 14 شوگر ملیں جنہوں نے اب تک کرشنگ شروع نہیں کی، ان کے خلاف ایکشن پلان تیار کر لیا گیا ہے اور مانیٹرنگ کے لیے ٹیمیں تشکیل دی گئی ہیں۔ کین کمشنر کے مطابق جو مل کرشنگ شروع نہیں کرے گی اس پر 10 لاکھ روپے یومیہ جرمانہ عائد کیا جائے گا۔
