اسلام آباد: چیف جسٹس اسلام آباد ہائیکورٹ سرفراز ڈوگر نے وزیراعلیٰ خیبرپختونخوا سہیل آفریدی سے ملاقات کرنے سے انکار کر دیا۔ جیو نیوز کے مطابق سہیل آفریدی رات بھر اڈیالہ جیل کے باہر دھرنا دینے کے بعد اسلام آباد ہائیکورٹ پہنچے، لیکن چیف جسٹس سے ملاقات ممکن نہ ہو سکی۔
چیف جسٹس سے ملاقات نہ ہونے پر وزیراعلیٰ سہیل آفریدی، علیمہ خان اور وکلا چیف جسٹس کے سیکرٹری کے آفس سے واپس روانہ ہو گئے۔ اس موقع پر سہیل آفریدی نے کہا کہ "ہماری شنوائی نہیں ہوئی، ہمیں چیف جسٹس کی طرف سے پیغام ملا کہ میں آپ سے نہیں مل سکتا۔”
وزیراعلیٰ نے اعلان کیا کہ آج وہ نہ قومی اسمبلی اور نہ سینیٹ اجلاس چلنے دیں گے اور آئندہ منگل کو وہ ہائیکورٹ کے باہر اور اڈیالہ جیل کے باہر بھی اکٹھے ہوں گے۔
اس حوالے سے جیو نیوز سے گفتگو کرتے ہوئے ایڈووکیٹ جنرل کے پی نے تصدیق کی کہ چیف جسٹس اسلام آباد ہائیکورٹ نے وزیراعلیٰ سے ملاقات سے انکار کیا ہے اور اس وقت چیف جسٹس کسی سے ملاقات نہیں کر رہے، چاہے وہ ایڈووکیٹ جنرل ہوں یا کسی وکیل سے۔
