بنگلا دیش اور بھارت کے درمیان کشیدگی میں اضافہ ہو گیا ہے، جس کے بعد دونوں ممالک نے اپنے متعلقہ قونصلر اور ویزا مراکز میں خدمات عارضی طور پر معطل کر دی ہیں۔
بنگلا دیشی مشن کے مطابق بھارتی دارالحکومت نئی دہلی میں قونصلر اور ویزا سروسز حالات کے پیش نظر عارضی طور پر بند کر دی گئی ہیں۔ بنگلا دیشی میڈیا کے مطابق دو روز قبل نئی دہلی میں بنگلا دیش ہائی کمیشن کے سامنے احتجاجی مظاہرہ کیا گیا تھا، جس میں بھارتی مظاہرین نے ہائی کمشنر کو قتل کی دھمکیاں بھی دی تھیں۔
ادھر بھارتی میڈیا کے مطابق بھارت نے بھی ایک روز قبل چٹاگانگ میں اپنا ویزا سینٹر بند کر دیا تھا، جس سے دونوں ممالک کے درمیان تعلقات میں کشیدگی مزید بڑھ گئی ہے۔ حکام نے اس موقع پر عوام اور شہریوں کو محتاط رہنے اور کسی بھی خطرناک حالات سے بچنے کی ہدایت کی ہے۔
