کرک میں پولیس موبائل پر فائرنگ کے واقعے میں 5 پولیس اہلکار شہید ہوگئے۔
پولیس کے مطابق یہ واقعہ تھانہ گرگری کی حدود میں پیش آیا، جس میں ابتدائی اطلاعات کے مطابق 4 پولیس اہلکار شہید ہوئے۔ بعد ازاں ڈی پی او کرک سعود خان نے تصدیق کی کہ پولیس موبائل میں سوار 5 اہلکاروں کی شہادت ہوئی ہے۔
پولیس حکام کا کہنا ہے کہ واقعے کی جگہ پر بھاری نفری کو بھیج دیا گیا ہے، علاقے کا محاصرہ کر کے شواہد اکٹھے کیے جا رہے ہیں اور ملزمان کی گرفتاری کے لیے کوششیں جاری ہیں۔
