شکارپور: شکارپور میں باراتیوں کی بس پر فائرنگ سے دلہا سمیت تین افراد جاں بحق ہو گئے۔
پولیس کے مطابق یہ واقعہ قومی شاہراہ بائی پاس پر پیش آیا، جہاں نامعلوم افراد نے بارات کی بس پر فائرنگ کی۔ فائرنگ کے نتیجے میں دلہا، دلہا کا بھائی اور بس کا ڈرائیور ہلاک ہو گئے جبکہ ایک خاتون زخمی بھی ہوئی۔
پولیس حکام کا کہنا ہے کہ بارات شکارپور شہر سے جیکب آباد جا رہی تھی اور یہ واقعہ پرانی دشمنی کے سبب پیش آیا۔ حملہ آوروں کی گرفتاری کے لیے اقدامات شروع کر دیے گئے ہیں اور تحقیقات جاری ہیں۔
