امریکی ریاست نیوجرسی: دو ہیلی کاپٹر آپس میں ٹکرا گئے، ایک ہلاک، ایک شدید زخمی
امریکی ریاست نیوجرسی کے بیسن روڈ علاقے میں دو ہیلی کاپٹروں کے درمیان تصادم ہوا، جس کے نتیجے میں ایک شخص ہلاک جبکہ ایک شدید زخمی ہوگیا۔ حادثے کے بعد ایک ہیلی کاپٹر میں آگ بھڑک اٹھی۔
ہیمونٹن پولیس ڈیپارٹمنٹ کے مطابق حادثے میں ہلاک ہونے والے شخص کی تصدیق کر دی گئی ہے، جبکہ شدید زخمی شخص کو فوری طور پر اسپتال منتقل کیا گیا ہے جہاں اس کی حالت تشویشناک بتائی جا رہی ہے۔ رپورٹ کے مطابق دونوں ہیلی کاپٹروں میں صرف پائلٹ موجود تھا۔
امریکی میڈیا کے مطابق ابتدائی طور پر حادثے کی وجہ معلوم نہیں ہوسکی، اور اس حوالے سے حکام نے تحقیقات کا آغاز کر دیا ہے۔
