دبئی: پاکستان کے اولمپک گولڈ میڈلسٹ ارشد ندیم کو شیخ محمد بن زاید ایوارڈ سے نوازا گیا۔
دبئی میں ورلڈ اسپورٹس سمٹ کے دوران دنیا کے معروف کھیل شخصیات کی موجودگی میں پاکستان کے اولمپک گولڈ میڈلسٹ ارشد ندیم کو 17 ویں دبئی اسپورٹس ورلڈ سمٹ میں شیخ محمد بن زاید ایوارڈ سے نوازا گیا۔
اس موقع پر دبئی کے حکمران کے بیٹے شیخ منصور بن محمد بن راشد المختوم نے ارشد ندیم کو یہ اعزاز پیش کیا۔
ارشد ندیم نے یادگار کارکردگی کا مظاہرہ کرتے ہوئے 2024 کے پیرس اولمپکس میں جیولن تھرو مقابلے میں 92.97 میٹر کی تھرو کے ساتھ گولڈ میڈل اپنے نام کیا تھا۔
