پاکستان میں پہلی بار پروفیشنلز اسکواش ایسوسی ایشن (PSA) کی گولڈ چیمپئن شپ کا انعقاد ہونے جا رہا ہے۔ یہ تاریخی ایونٹ کراچی میں شروع ہوگا اور اس کی انعامی رقم 2 لاکھ 43 ہزار ڈالرز رکھی گئی ہے۔
چیمپئن شپ کا آغاز 6 جنوری سے ہوگا، جس میں عالمی اسکواش رینکنگ کے تمام ٹاپ کھلاڑی حصہ لیں گے اور شائقین کو اعلیٰ معیار کا مقابلہ دیکھنے کو ملے گا۔ یہ موقع پاکستان کے لیے اسکواش کی عالمی سطح پر واپسی اور کھیل کی مقبولیت بڑھانے کا ایک اہم قدم سمجھا جا رہا ہے۔
ایونٹ کے میچز جیو سوپر اور دیگر 80 ممالک میں براہِ راست نشر کیے جائیں گے، جس سے نہ صرف پاکستان بلکہ دنیا بھر میں اسکواش کے شائقین اس مقابلے سے لطف اندوز ہو سکیں گے۔
