سی آئی اے نے امریکی صدر ڈونلڈ ٹرمپ کو وینزویلا کے صدر مادورو کے بعد ملک کی قیادت کے لیے حکومت کے وفادار عناصر کے بارے میں رپورٹ پیش کی۔
امریکی میڈیا کے مطابق، قیادت کے لیے موزوں افراد میں وینزویلا کی قائم مقام صدر ڈیلسی روڈریگز کا نام بھی شامل ہے، جو ملک میں استحکام قائم رکھنے کے لیے بہترین پوزیشن میں سمجھے جا رہے ہیں۔
اپوزیشن لیڈر ماریا کورینا مچاڈو نے کہا کہ آزاد وینزویلا کو امریکا کا توانائی مرکز بنایا جائے گا۔
واضح رہے کہ امریکا نے حال ہی میں وینزویلا پر حملہ کیا اور امریکی ڈیلٹا فورس نے صدر مادورو اور ان کی اہلیہ کو ان کے صدارتی محل سے گرفتار کر کے نیویارک منتقل کیا۔ امریکی صدر ڈونلڈ ٹرمپ کے مطابق، مادورو اور ان کی بیوی کو ان کے بیڈ روم سے اٹھایا گیا اور امریکا میں ان کے خلاف منشیات اور دہشت گردی کے الزامات کے تحت مقدمہ چلایا جائے گا۔
ٹرمپ نے مزید کہا کہ وینزویلا میں اقتدار کی منتقلی تک امریکا کی نگرانی رہے گی اور امریکی تیل کی کمپنیاں وینزویلا میں کام کریں گی۔
