لندن: برطانیہ میں فلسطین کا سفارت خانہ کھل گیا۔ فلسطینی سفیر حسام زملوط کا کہنا ہے کہ لندن میں فلسطینی سفارت خانہ کھلنا تاریخی اور یادگار لمحہ ہے، اور یہ سفارت خانہ فلسطینی شناخت، عالمی پہچان اور خودمختاری کی علامت ہے۔
برطانوی میڈیا کے مطابق برطانیہ نے ستمبر 2025 میں فلسطینی ریاست کو تسلیم کیا تھا۔ سفارت خانے کی عمارت پہلے فلسطینی مشن تھی، جو اب اپ گریڈ ہو کر سفارت خانہ بن گئی ہے۔
واضح رہے کہ گزشتہ ماہ کچھ نقاب پوش افراد نے اسرائیلی جھنڈا لہرا کر اس عمارت کو نقصان پہنچایا تھا۔
