قلات میں سکیورٹی فورسز کے خفیہ آپریشن کے دوران فتنہ الہندوستان سے تعلق رکھنے والے 4 دہشتگرد ہلاک ہوگئے۔
آئی ایس پی آر کے مطابق سکیورٹی فورسز نے خفیہ اطلاعات کی بنیاد پر قلات میں دہشتگردوں کے خلاف کامیاب کارروائی کی، جس میں بھارتی پراکسی فتنہ الہندوستان کے 4 دہشتگرد مارے گئے۔ کارروائی کے دوران دہشتگردوں کے قبضے سے اسلحہ اور گولہ بارود بھی برآمد کیا گیا۔
دوسری جانب وزیراعظم شہباز شریف نے قلات میں کامیاب آپریشن پر سکیورٹی فورسز کو خراج تحسین پیش کرتے ہوئے دہشتگردی کے خلاف ان کی قربانیوں کو سراہا۔
گورنر سندھ کامران ٹیسوری کا کہنا ہے کہ دہشتگردی کے مکمل خاتمے کے لیے عزم استحکام مہم پوری قوت کے ساتھ جاری رہے گی۔
