کراچی: گل پلازہ میں آتشزدگی کے بعد متاثر ہونے والی عمارتوں میں اب رمپا پلازہ کے ستون بھی شدید متاثر ہوئے ہیں۔
سندھ بلڈنگ کنٹرول اتھارٹی (ایس بی سی اے) نے گل پلازہ سے متصل رمپا پلازہ کو غیر محفوظ قرار دیتے ہوئے انتظامیہ اور دکان مالکان کو نوٹس جاری کر دیے ہیں۔ حکام کا کہنا ہے کہ گل پلازہ میں تیسرے درجے کی آتشزدگی کے نتیجے میں رمپا پلازہ کے ستون بری طرح متاثر ہوئے ہیں۔
ایس بی سی اے نے رمپا پلازہ کے خطرناک حصے کے استعمال پر پابندی عائد کر دی ہے اور کہا ہے کہ عمارت میں کسی بھی غیر اجازت شدہ سرگرمی پر سخت قانونی کارروائی کی جائے گی۔
واضح رہے کہ ہفتے کی شب گل پلازہ میں لگنے والی آگ کے نتیجے میں اب تک 28 افراد جاں بحق ہو چکے ہیں جبکہ 74 افراد کی لاپتا ہونے کی تصدیق ہو چکی ہے اور مجموعی طور پر 81 افراد کے لاپتا ہونے کی اطلاع ہے۔
