ای۔ بز سے متعلق اجلاس، درخواستوں کی جلد نمٹانے اور ٹیکنیکل سپورٹ کی ہدایت جاری
لیہ (نیوز رپورٹر ) ایڈیشنل ڈپٹی کمشنر جنرل شبیر احمد ڈوگر کی زیر صدارت ای۔ بز سے متعلق جائزہ اجلاس منعقد ہوا۔ اجلاس میں ڈی او انڈسٹری عاشق حسین، سی اوز ایم سی شبانہ رشید، ارسلان احمد، عمار گرمانی اور متعلقہ افسران نے شرکت کی۔ اجلاس میں ای ۔ بز پورٹل پر درخواستوں کا تفصیلی جائزہ لیا گیا۔
ایڈیشنل ڈپٹی کمشنر جنرل نے ہدایت کی کہ ای ۔ بز پورٹل پر صارفین/ کاروباری حضرات کی رجسٹریشن کے لئے دی گئی درخواستوں کو جلد نمٹایا جائے اور ٹیکنکل سپورٹ فراہم کی جائے۔ اے ڈی سی جی نے کہا کہ ای ۔ بز پورٹل ایک ون ونڈو سہولت ہے جس پر کسی بھی کاروبار کے لئے درخواست دے کر سرٹیفکیٹ حاصل کئے جا سکتے ہیں۔
انہوں نے کہا کہ یہ ایک شفاف اور تیز تر پلیٹ فارم ہے جس سے کاروباری حضرات کو مستفید کیا جائے۔ اجلاس میں بتایا گیا کہ اب تک ای ۔ بز پورٹل پر 313 افراد کو سہولت فراہم کی گئی ہے۔
