کراچی: یخ بستہ ہواؤں سے کراچی کا موسم سرد، بارش کے بعد سب سے ٹھنڈا علاقہ کون سا رہا؟

کراچی میں گزشتہ روز ہونے والی بارش کے بعد سب سے کم درجہ حرارت بن قاسم میں ریکارڈ کیا گیا۔

محکمہ موسمیات کے مطابق بن قاسم سب سے ٹھنڈا علاقہ رہا جہاں کم سے کم درجہ حرارت 7.4 ڈگری سینٹی گریڈ ریکارڈ ہوا۔

شاہراہ فیصل پر کم سے کم درجہ حرارت 11.5 ڈگری سینٹی گریڈ ریکارڈ کیا گیا، جبکہ گلستان جوہر اور جناح ٹرمینل پر درجہ حرارت 10.5 ڈگری سینٹی گریڈ رہا۔ ماڑی پور میں پارہ 8.5 ڈگری سینٹی گریڈ تک گر گیا۔

گزشتہ روز کراچی کے مختلف علاقوں میں موسلادھار بارش ہوئی۔ محکمہ موسمیات کے مطابق سب سے زیادہ بارش سرجانی ٹاؤن میں 26.3 ملی میٹر ریکارڈ کی گئی۔ نارتھ کراچی میں 20 ملی میٹر، گلشنِ معمار میں 17.6 ملی میٹر، بحریہ ٹاؤن فیز 5 میں 14.2 ملی میٹر اور سعدی ٹاؤن میں 10 ملی میٹر بارش ہوئی۔