پاکستان اور آسٹریلیا کے درمیان تین ٹی ٹوئنٹی میچز کا پرومو "Mate We Are Ready” ریلیز کر دیا گیا ہے، جو سوشل میڈیا پر خاصہ مقبول ہو رہا ہے۔
پرومو میں پاکستانی مہمان نوازی کو اجاگر کیا گیا ہے، جس پر بھارتی شائقین کافی ناخوش ہیں۔ پرومو میں پاکستان ٹیم کے کپتان سلمان علی آغا کو بھی دکھایا گیا ہے۔
پاکستان اور آسٹریلیا کے درمیان ٹی ٹوئنٹی سیریز کا آغاز 29 جنوری سے ہوگا۔ پہلا میچ 29 جنوری، دوسرا 31 جنوری اور تیسرا یکم فروری کو لاہور میں کھیلا جائے گا۔
آسٹریلیا کے خلاف سیریز کے لیے پاکستان اسکواڈ کی تیاریاں نیشنل کرکٹ اکیڈمی میں جاری ہیں، جہاں کھلاڑی فیلڈنگ، بولنگ اور بیٹنگ کی بھرپور پریکٹس کر رہے ہیں۔
