فیض حمید کے بھائی نجف حمید کے خلاف کرپشن اور آمدنی سے زائد اثاثہ جات سے متعلق کیس کی تحقیقات شروع کر دی گئی ہیں۔
ذرائع کے مطابق یہ انکوائری ایف آئی اے اینٹی کرپشن سیل کی جانب سے کی جا رہی ہے جبکہ نجف حمید کی گرفتاری کے لیے مختلف مقامات پر چھاپے بھی مارے گئے ہیں۔
ذرائع کا کہنا ہے کہ نجف حمید سے متعلق تمام متعلقہ سرکاری اداروں سے ریکارڈ اور تفصیلات طلب کر لی گئی ہیں، جبکہ ان کا نام پی آئی این ایل میں بھی شامل کر دیا گیا ہے۔ اس کے علاوہ ان کے بینک اکاؤنٹس کی مکمل تفصیلات بھی حاصل کی جا رہی ہیں۔
ذرائع کے مطابق اسلام آباد کی ماتحت عدالت کی جانب سے نجف حمید کی اراضی اسکینڈل میں عبوری ضمانت بھی منسوخ کی جا چکی ہے، جس کے بعد تحقیقات کا دائرہ مزید وسیع کر دیا گیا ہے۔
