چٹاگانگ:پاکستانی کارگو پی این ایس سی کا جہاز 53 سال بعد چٹاگانگ کی بندرگاہ پر لنگر انداز ہو گیا۔
وفاقی وزیر محمد جنید انوار چوہدری نے بتایا کہ 26 ہزار ٹن چاول کی کھیپ لے جانے والا پاکستانی کارگو پی این ایس سی کا جہاز 53 سال بعد چٹاگانگ کی بندرگاہ پر لنگر انداز ہوا، پی این ایس سی کا جہاز ایم وی سبی بنگلا دیش کی بندرگاہ پہنچا۔محمد جنید انوار چوہدری نے کہا کہ براہ راست تجارت اور رابطے 5 دہائیوں بعد بحال ہوگئے، بنگلادیش پہنچنے پر پاکستانی بحری جہاز کا پرتپاک استقبال کیا گیا۔وفاقی وزیر نے بتایا کہ بنگلہ دیش کی وزارت خوراک کے اعلیٰ حکام اور بنگلہ دیش میں پاکستانی سفارت خانے کے ٹریڈ اینڈ انویسٹمنٹ اتاشی زین عزیز نے استقبال کیا۔
محمد جنید انوار چوہدری نے بتایا کہ جہاز برتھ پر لنگر انداز ڈسچارجنگ شروع ہوگئی۔
