اسلام آباد:محکمہ موسمیات نے اسلام آباد سمیت مختلف شہروں میں مزید بارشوں اور برفباری کی پیشگوئی کی ہے۔ اسلام آباد اور راولپنڈی میں شام کے وقت تیز ہواؤں اور گرج چمک کے ساتھ بارش متوقع ہے، جبکہ خیبر پختونخوا، پنجاب اور بلوچستان کے مختلف علاقوں میں بھی بارش کا امکان ہے۔
محکمہ موسمیات کے مطابق چترال، دیر، سوات، کوہستان اور شانگلہ میں پہاڑوں پر ہلکی برفباری ہو سکتی ہے۔ بارشوں کا سلسلہ 16 مارچ تک جاری رہنے کی توقع ہے۔دوسری جانب، گلگت بلتستان اور آزاد کشمیر میں بارش اور برفباری کا سلسلہ وقفے وقفے سے جاری ہے۔ بالائی وادی نیلم اور شیخ بیلہ میں لینڈ سلائیڈنگ کی وجہ سے شاہراہ نیلم بند ہو چکی ہے۔
