سونے کی قیمت میں ایک بار پھر بڑا اضافہ

کراچی: سونے کی فی تولہ قیمت میں 2800 روپے کا بڑا اضافہ ہو گیا۔

آل پاکستان جیمز اینڈ جیولرز ایسوسی ایشن کے مطابق آج سونے کی فی تولہ قیمت میں 2800 روپے کا اضافہ ہوا جس کے بعد سونے کی فی تولہ قیمت 3 لاکھ 9 ہزار 300 روپے ہے۔ایسوسی ایشن کے مطابق 10 گرام سونے کی قیمت بھی 2400 روپے اضافے سے 2 لاکھ 65ہزار 174 روپے ہے۔ دوسری جانب عالمی بازار میں بھی سونے کی قیمت 27 ڈالر اضافے سے 2942 ڈالر فی اونس ہے۔