کراچی: (دنیا نیوز) رواں سال کے پہلے مکمل چاند گرہن کا آغاز ہوگیا جس کا پاکستان میں نظارہ ناممکن ہے۔
محکمہ موسمیات کے مطابق پاکستانی وقت کے مطابق چاند گرہن کا آغاز صبح 8 بجکر 57 منٹ پر ہوگیا ہے، مکمل چاند گرہن صبح 11 بج کر 58 منٹ پر ہوگا جبکہ گرہن کا اختتام 3 بجے ہوگا۔دن کے اوقات میں ہونے کی وجہ سے پاکستان میں رواں سال کے پہلے چاند گرہن کو دیکھنا ممکن نہیں ہوگا جبکہ اس کا نظارہ یورپ، ایشیا اور افریقہ میں کیا جائے گا۔محکمہ موسمیات کے مطابق چاند گرہن کے موقع پر آسمان سرخ رنگ کی روشنی سے منور ہو جائے گا، یہ لگ بھگ 3 سال بعد پہلا مکمل چاند گرہن ہوگا اور ایسا آخری بار 2022 میں ہوا تھا۔محکمہ موسمیات کا کہنا ہے کہ رواں سال کا دوسرا جزوی چاند گرہن 7 اور 8 ستمبر کی درمیانی شب ہوگا۔
